نگران وفاقي گهرو وزير سرفراز بگٽي چيو آهي ته غير قانوني پرڏيهي هليا وڃن، پهرين نومبر کانپوءِ ڪا به سوديبازي نه ٿيندي، اسٽيڪ هولڊرن جي گڏجاڻي ۾ اتفاق ٿيو ته افغان پناهگيرن کي نيڪالي لاءِ وقت ڏنو وڃي، ويزا رکندڙ ماڻهن کي تنگ نه ڪيو ويندو.
جاري ڪيل بيان ۾ سرفراز بگٽي چيو ته افغان شهرين کي ڪڍڻ بابت ڳالهه ٻولهه ٿي آهي، ان ۾ سمورا اسٽيڪ هولڊر موجود هئا.
هن چيو ته غير قانوني آباد پرڏيهين کي سندن ڏيهه موڪليو پيو وڃي.
سرفراز بگٽيءَ چيو ته غير قانوني پرڏيهي هليا وڃن، پهرين نومبر کانپوءِ ڪا به سوديبازي نه ٿيندي، اسٽيڪ هولڊرن جي گڏجاڻي ۾ اتفاق ٿيو ته افغان پناهگيرن کي نيڪالي لاءِ وقت ڏنو وڃي.
نگران گهرو وزير چيو ته جڏهن ڳالهه غير قانوني پرڏيهين جي ٿي رهي آهي ته افغاني هجن يا ٻيا، انهن خلاف ڪارروائي ٿيندي، ويزا رکندڙن کي ڪجهه به نه چيو ويندو، هو رڳو غير قانوني پرڏيهين کي موڪلي رهيا آهن.
