راڻيپور جي پيراڻي حويلي ۾ قتل ٿيل نينگري فاطمه ڦرڙو واري ڪيس جي ٻڌڻي 8 مارچ تائين ملتوي ڪئي وئي آهي.
خيرپور جي ٿرڊ ايڊيشنل سيشن جج جي عدالت ۾ فاطمه ڦرڙو قتل ڪيس جي ٻڌڻي ٿي.
ٻڌڻي دوران جوابدار وڊيو لنڪ ذريعي عدالت ۾ پيش ٿيا.
عدالت ڪيس ۾ نامزد ڊرائيور اعجاز قاضي جي درخواست تي ٻڌڻي 8 مارچ تائين ملتوي ڪري ڇڏي.
ڊرائيور اعجاز قاضي درخواست ڏني ته سندس ڪيس هن عدالت ۾ هلڻ جوڳو ناهي.
درخواست ۾ استدعا ڪئي وئي ته ڪيس هن عدالت ۾ نه هلايو وڃي.
عدالت ڊرائيور جي درخواست تي ٻڌڻي 8 مارچ تائين ملتوي ڪئي.
ٻڌڻي دوران فريادي ڌر طرفان ڪو به عدالت ۾ پيش نه ٿيو.
