فريدآباد ٿاڻي جي حد ۾ بدامنيءَ ۾ واڌ ٿي وئي، 24 ڪلاڪن اندر ڦر ۽ چوريءَ جون 4 وارداتون پيش آيون آهن.
رڪشا هلائيندڙ پورهيت عبدالجبار بروهي جي گهر کي چور کاٽ هڻي گهر ۾ پيل 25 هزار رپيا روڪ رقم، موبائل فون ۽ ٻيو سامان کڻي ويا.
جانوري پيٽرول پمپ ڀرسان صفيع الله بروهي جي آٽوز جي دڪان کي ڻڄاتل چور کاٽ هڻي 2 سولر پليٽون، بيٽري، آٽوز جو سامان ۽ هزارين رپيا روڪ رقم کڻي فرار ٿي ويا.
ساڳئي ڏينهن ڦورو بسڪيٽ کپائيندڙ پورهيت صدام ڏيپر کان 30 هزار رپيا روڪ رقم، موبائل فون ۽ ٻيو سامان ڦر ڪري ويا.
ٻئي طرف ساڳئي ئي ڏينهن چور وچ شهر مان پورهيت صابر چنا جي دڪان جا تالا ٽوڙي سندس دڪان مان 12 هزار رپيا روڪ رقم کڻي فرار ٿي ويا.
هوڏانهن فريدآباد ۽ ڀرپاسي وڌندڙ بدامنيءَ تي سياسي سماجي تنظيمن جي اڳواڻن طرفان ڳڻتي جو اظهار ڪندي اختيارين کان گهر ڪئي آهي ته وڌندڙ بدامنيءَ جو نوٽيس وٺي امن امان بحال ڪرايو وڃي.
