فلپائن ۾ هڪ جوڙو ٻوڏ جي به پرواهه نه ڪندي شادي لاءِ چرچ پهچي ويو

فلپائن جي صوبي بولاڪان ۾ طوفاني برساتن سبب ٻوڏ جهڙي صورتحال آهي، اهڙي ۾ هڪ جوڙي پنهنجي شادي جي تقريب ملتوي نه ڪئي ۽ طئي ٿيل تاريخ تي ئي شادي ڪئي. سوشل ميڊيا تي ان جوڙي جي وڊيو به وائرل ٿي وئي آهي جنهن ۾ ڏسي سگهجي ٿو ته جوڙو پاڻي ۾ ٻڏل چرچ ۾ شادي لاءِ پهچي رهيو آهي. وائرل وڊيو ۾ ڏسي سگهجي ٿو ته گهوٽ ۽ ڪنوار سان گڏ سندن ويجها مائٽ ۽ دوست به تقريب ۾ موجود آهن . ان موقعي تي ڪنوار جي طرفان ميڊيا کي انٽرويو ڏيندي ٻڌايو ته چرچ ۾ پاڻي ڏٺو هو پر ان باوجود اسان شادي جي تقريب ملتوي نه ڪرڻ جو فيصلو ڪيو. وڊيو ۾ ڏسي سگهجي ٿو ته گهوٽ ۽ ڪنوار هٿن ۾ گلدستو کڻي چرچ ۾ وڃي رهيا آهن ۽ ڪنوار جو قيمتي جوڙو به پاڻي ۾ ٻڏل ڏسي سگهجي ٿو. https://www.facebook.com/majasphalili/videos/1400192580550943/?ref=embed_video&t=5