ڪراچي جي ميئر مرتضيٰ وهاب چيو آهي ته قرباني جي عيد دوران ڪراچي مان غلاضتون کڻڻ جو سلسلو جاري آهي.
ڪراچي جي ميئر مرتضيٰ وهاب عيد جي ٻئي ڏهاڙي ڊپٽي ميئر سلمان عبدالله مراد ۽ ايم ڊي سالٽ ويسٽ سان گڏجي شهر جي مختلف علائقن جو دورو ڪيو.
ان موقعي تي ميڊيا سان ڳالهائيندي مرتضيٰ وهاب چيو ته ڪراچي جي 25 ٽائونن مان 68 هزار تن غلاضتون کنيون ويون آهن.
هن چيو ته شهر ۾ 99 ڪليڪشن پوائنٽس قائم ڪيا ويا آهن، سمورا ميونسپل انتظاميه، سالڊ ويسٽ ۽ مڪاني ادارا سرگرم آهن.
سندس چوڻ هو ته شهر ۾ 99 ڪليڪشن پوائنٽس قام ڪري غلاضتن کي لينڊ فلس سائٽس تي منتقل ڪيو پيو وڃي.
مرتضيٰ وهاب چيو ته ڪليڪشن پوائنٽس تان غلاضتون کڻي چوني جو ڇنڪار ڪيو ويو آهي.
هن چيو ته سندس عيد جي ٽن ڏينهن دوران آپريشن مڪمل ڪري ڪليڪشن پوائنٽس تي چوني، ڪلورين ۽ گلاب جي عرق جو ڇنڪار ڪيو ويندو.
سندس چوڻ هو ته روزاني بنياد تي ڪليڪشن پوائنٽس تي اسپري جو عمل به جاري آهي، هو پ پ چيئرمين بلاول ڀٽو زرداري جي هدايت تي عمل ڪندي عوام جي خدمت ڪري رهيا آهن.
مرتضيٰ وهاب چيو ته ٻن ڏينهن دوران ڪراچي جي عوام ڀرپور سهڪار ڪيو، ڪٿان به ڪنهن قسم جي شڪايت نه ملي آهي
