قمبر ۾ ڦر مزاحمت تي هٿياربندن گوليون هڻي نوجوان کي قتل ڪري ڇڏيو.
قمبر- وڳڻ روڊ تي اڻڄاتل هٿياربندن موٽرسائيڪل ڦر ڪرڻ دوران مزاحمت تي گوليو هڻي نوجوان الطاف حسين عرف مکڻ مغيري کي قتل ڪري ڇڏيو.
اطلاع تي پوليس واقعي واري هنڌ پهچي نوجوان جو لاش کڻائي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
مقتول جي وارثن جو چوڻ آهي ته نوجوان 5 ڏينهن اڳ سعودي عرب کان ڳوٺ آيو هو، جيڪو شهر مان نئين موٽرسائيڪل وٺي ڳوٺ اچي رهيو هو ته ڏوهارين کيس قتل ڪري ڇڏيو.
نوجوان جو لاش گهر پهچائڻ تي گهر ڀاتين ۾ ڪهرام مچي ويو
