تازه ترين

قومي اسيمبليءَ اڄ وڌيڪ اٺ بل منظور ڪري ورتا

قومي اسيمبليءَ اڄ وڌيڪ اٺ بل منظور ڪري ورتا، ميمبرن هٿيارن جو لائسنس نه ٺهڻ تي احتجاج طور گهرو وزارت جو بل ملتوي ڪرائي ڇڏيو، يونيورسٽيون قائم ٿيڻ بابت بل جي منظوري خلاف جماعت اسلامي ميمبر عبدالاڪبر چتراليءَ احتجاج ڪيو.

قومي اسيمبلي جو اجلاس اسپيڪر راجا پرويز اشرف جي صدارت هيٺ ٿيو، جنهن ۾ وزيرن جي غير حاضري تي جماعت اسلامي جي  ميمبر عبدالاڪبر چتراليءَ احتجاج ڪيو، وزير نه هجڻ سبب سوالن جوابن وارو سيشن ملتوي ڪيو ويو.

حنا رباني کر نيشنل اينٽي مني لانڊرنگ اينڊ ڪائونٽر فنائننسنگ آف ٽيررازم اٿارٽي قائم ڪرڻ جو بل پيش ڪيو، جنهن جي اتفاقِ راءِ سان منظوري ڏني وئي.

حنار باني کر چيو ته مني لانڊرنگ ۽ دهشتگردن جي فنانسنگ روڪڻ وارا معاملا اٿارٽي تحت آندا ويندا.

اجلاس دوران صحافين ۽ ميڊيا ورڪرن جي تحفظ وارو ترميمي بل ۽ پريس، اخبارن، نيوز ايجنسي ۽ ڪتب رجسٽريشن ترميمي بل به اتفاقِ راءِ سان منظور ڪيا ويا.

قومي اسيمبليءَ پاڪستان سول ايوي ايشن بل 2023 جي منظوري ڏني، بل وفاقي وزير مرتضيٰ جاويد عباسيءَ پيش ڪيو.

ايوان نيشنل لاجسٽڪ ڪارپوريشن اين ايل سي قائم ڪرڻ جو بل منظور ڪري ورتو، مرتضيٰ جاويد عباسيءَ فيڊرل پروسيڪيوشن سروس بل 2023ع پيش ڪيو، جنهن تي عبدالاڪبر چتراليءَ چيو ته ميمبرن جي هٿيارن جا لائسنس نه پيا ٺهن، گهرو وزارت جي قانونسازي ملتوي نه ڪئي ته هو ڪورم ۾ نشاندهي ڪندو.

راجا پرويز اشرف چيو ته اسيمبلي جو مدو مڪمل ٿيڻ وارو آهي ميمبرن جي هٿيارن جي  لائسنس وارين درخواستن تي فوري طور عمل ڪيو وڃي.

قومي اسيمبلي گن ڪنٽري ڪلب بل 2023ع منظور ڪري ورتو، يونيورسٽيون قائم ڪرڻ واري بل جي منظوري تي جماعت اسلامي جي ميمبر عبدالاڪبر چتراليءَ احتجاج ڪندي چيو ته يونيورسٽين بابت قانونسازي تي ميڊيا ۽ عوام  طرفان تنقيد ڪئي پئي وڃي ته پيسا وٺي بل منظور ڪرايا پيا وڃن.

ايوان انسٽيٽيوٽ آف گجرات قائم ڪرڻ جو بل منظور ڪري ورتو. عبدالاڪبر چتراليءَ طرفان ڪورم جي نشاندهي ڪئي وئي، جنهن بعد اسپيڪر اجلاس سڀاڻي يارهين وڳي تائين ملتوي ڪيو ويو.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
108,000SubscribersSubscribe
Pakistan
scattered clouds
13.6 ° C
13.6 °
13.6 °
66 %
0.6kmh
36 %
جمعو
14 °
ڇنڇر
19 °
آچر
22 °
سُومر
23 °
اڱارو
22 °

تازه ترين خبرون