قومي سلامتي کي خطرن بابت زيرو ٽالرنس پاليسي آهي: فيلڊ مارشل

چيف آف ڊفينس فورسز فيلڊ مارشل عاصم منير چيو آهي ته قومي سلامتي کي خطرن بابت زيرو ٽالرنس پاليسي آهي، هٿياربند فوج جاگرافيائي سرحدن ۽ گهرو سلامتي لاءِ هر وقت تيار آهي. آءِ ايس پي آر موجب چيف آف ڊفينس فورسز فيلڊ مارشل عاصم منير لاهور گيريزن جو دورو ڪيو. چيف آف ڊفينس فورسز فيلڊ مارشل عاصم منير جي لاهور گيريزن آمد تي ڪور ڪمانڊر لاهور آڌر ڀاءُ ڪيو. آءِ ايس پي آر موجب فيلڊ مارشل کي لاهور گيريزن ۾ آپريشنل تيارين بابت بريفنگ ڏني وئي. آءِ ايس پي آر موجب چيف آف ڊفينس فورسز فيلڊ مارشل عاصم منير فارميشن جي نگراني هيٺ تربيتي مشقن جو جائزو ورتو. آءِ ايس پي آر موجب، چيف آف ڊفينس فورسز مستقبل جي جنگن بابت تيارين ۽ جدت اختيار ڪرڻ تي زور ڀريو. آءِ ايس پي آر موجب فيلڊ مارشل عاصم منير جوانن کي فراهم ڪيل راندين ۽ تفريحي سهولتن جي ساراهه ڪئي. فيلڊ مارشل سي ايم ايڇ لاهور ۾ هاءِ ڪيئر سينٽر جو به دورو ڪيو. ان موقعي تي خطاب ڪندي چيف آف ڊفينس فورسز فيلڊ مارشل عاصم منير چيو ته قومي سلامتي کي خطرن بابت زيرو ٽالرنس پاليسي آهي، پاڪ فوج هر قسم جي چئلينجن کي منهن ڏيڻ لاءِ پرعزم آهي. هن چيو ته خودمختياري، علائقائي سلامتي ۽ گهرو استحڪام پاڪ فوج جو اولين مشن آهي، فوج اعليٰ معيار، نظم ضبط ۽ بي لوث خدمت کي هٿي ڏئي رهي آهي. سندس چوڻ هو ته هٿياربند فوج ملڪي خودمختياري، علائقائي سلامتي ۽ گهرو استحڪام جي حفاظت لاءِ تيار آهي. فيلڊ مارشل عاصم منير چيو ته پاڪ فوج هر قسم جي چئلينج کي منهن ڏيڻ لاءِ تيار آهي، ملڪي سلامتي جي حفاظت ڪئي ويندي.