لاڙڪاڻي ويجهو ٻارن جي معمولي ڳالهه تان جتوئي برادري جي ٻن ڌرين وچ ۾ جهيڙي دوران 4 ڄڻا قتل ٿي ويا.
ڳوٺ نائچ ۾ ٻارن جي معمولي ڳالهه تان جتوئي برادري جي ٻن ڌرين ۾ جهيڙو ٿي پيو.
جهيڙي دوران گوليون لڳڻ سبب 46 ورهين جو شمن جتوئي، سندس پٽ شوڪت، علي حسن ۽ علي اڪبر جتوئي مارجي ويا.
اطلاع تي پوليس واقعي واري هنڌ پهچي مقتولن جا لاش کڻائي اسپتال منتقل ڪيا، جتان پوسٽ مارٽم ڪرائڻ بعد مڙهه وارثن حوالي ڪيا ويا.
مقتولن جي وارث عورت جو چوڻ هو ته گذريل ڏينهن ٻارن جي معمولي ڳالهه تان جهيڙو ٿيو هو، جنهن تان اڄ جوابدارن نذير زنگيجو، شبير زنگيجو، شهمير، مجاهد، سجاد ۽ ٻين گوليون هڻي شمن، سندس پٽ شوڪت ۽ ٻن ڀائرن علي حسن ۽ علي اڪبر کي قتل ڪيو آهي.
پوليس جو چوڻ آهي ته واقعو ٻارن جي معمولي ڳالهه تان پيش آيو آهي.
مارجي ويلن جا لاش گهر پهچائڻ تي گهر ڀاتين ۾ڪهرام مچي ويو.
