لاڙڪاڻي ۾ سي آءِ اي پوليس مقابلي دوران سنگين نوعيت جي ڪيسن ۾ گھربل ڏوهاريءَ کي مارڻ جي دعوى ڪئي آهي.
پوليس جوچوڻ آهي ته گشت دوران ڌامراهه ويجهو ننگر سم شاخ وٽ ڏوهارين سان مقابلو ٿي پيو، فائرنگ جي ڏي وٺ ۾ هڪ ڏوهاري مارجي ويو جڏهن ته سندس ساٿي اونڌاهي جو فائدو وٺي فرار ٿي ويا.
پوليس موجب، مارجي ويل ڏوهاري جي سڃاڻپ رتوديرو تعلقي جي ڳوٺ خير محمد بروهي واسي امام الدين ولد محمد مراد بروهي ٿي سندس قبضي مان هٿيار ۽گوليون هٿ ڪري لاش اسپتال منتقل ڪيو ويو.
پوليس موجب، مارجي ويل ڏوهاري مٿان مختلف ٿاڻن تي 35 کان وڌيڪ ڪيس داخل آهن.
پوليس ترجمان جو وڌيڪ چوڻ آهي ته مارجي ويل ڏوهاريءَ جي فرار ساٿين جي گرفتاري لاءِ علائقي ۾ ناڪابندي ڪئي وئي آهي…..
