لاڙڪاڻي ۾ گهر کي مبينا طور باهه لڳڻ سبب هڪ ڄڻو سڙي فوت ٿي ويو آهي.
ميروخان چوڪ واري علائقي ۾ مبينا طور گهر اندر بجلي جي شارٽ سرڪٽ سبب باهه لڳڻ جي نتيجي ۾ 40ورهين جو مقبول لولائي سڙي فوت ٿي ويو.
اطلاع تي وليد ٿاڻي جي پوليس پهچي لاش کڻائي چانڊڪا اسپتال پهچايو جتان پوسٽ مارٽم کانپوءِ مڙهه وارثن حوالي ڪيو ويو.
ان موقعي تي مبينا سڙي فوت ٿيل مقبول لولائي جي وارثن ٻڌايو ته ڪجهه سال اڳ مقبول لولائي ڳوٺ بڊو مان لڏپلاڻ ڪري لاڙڪاڻي شهر جي ميروخان چوڪ واري علائقي ۾ رهائش اختيار ڪئي هئي.
هنن چيو ته رات دير سان شارٽ سرڪٽ سبب ڪمري کي باهه لڳي ۽ مقتول لولائي سڙي فوت ٿي ويو.
پوليس جو چوڻ هو ته وارثن شروعاتي جاچ ۾ ٻڌايو آهي ته واقعو بجلي جي شارٽ سرڪٽ سبب پيش آيو آهي، وڌيڪ جاچ هلندڙ آهي
