مائڪرو چپس ۽ سيمي ڪنڊڪٽرز تي وڏو ٽيرف لڳائي رهيا آهن:امريڪي صدر ڊونلڊ ٽرمپ

امريڪي صدر ڊونلڊ ٽرمپ چيو آهي ته مائڪرو چپس ۽ سيمي ڪنڊڪٽرز تي وڏو ٽيرف لڳائي رهيا آهن، جيڪڏهن اهي امريڪا ۾ ٺاهيون وڃن ته ڪوبه چارج نه هوندو. اوول آفيس ۾ ميڊيا سان ڳالهائيندي صدر ٽرمپ چيو ته هو چپس ۽ سيمي ڪنڊڪٽرز تي تقريبن هڪ سئو سيڪڙو ٽيرف لڳائيندا. سندس چوڻ ه ته ڀارت تي 50 سيڪڙو ٽيڪس لڳايو آهي، روس تي ٽيرف جو تعين بعد ۾ ڪندا، چين تي ٽيرف جو اعلان ڪري سگھن ٿا. امريڪي صدر چيو ته جيڪڏهن ايران ايٽمي پروگرام ٻيهر شروع ڪيو ته هو وري حملو ڪندا. ڊونلڊ ٽرمپ چيو ته روسي صدر پيوٽن سان سٺي ڳالهه ٻولهه ٿي آهي، روسي اختيارين سان ڳالهين گھڻي اڳڀرائي ٿي آهي هي هڪ سٺو موقعو آحي روسي عملدارن سان جلد ملاقات ٿيندي. هن چيو ته هڪ سال اڳ چيو پيو وڃي ته امريڪا ڏيوالپڻي جو شڪار ٿي ويو آهي اڄ ڪيتريون ئي ڪمپنيون امريڪا ۾ اربين ڊالرن جي سيڙپڪاري ڪري رهيون آهن. امريڪي صدر موجب، سيڙپڪاري لاءِ نار ملڪن سميت ڪيترن ئي ملڪن جا دورا ڪيا، ايپل سميت ڪيتريون ئي ڪمپنيون امريڪا واپس اچي رهيون آهن، ٽيڪ ڪمپنيون امريڪا ۾ اربين ڊالر سيڙپڪاري ڪري رهيون آهن.

صدر ٽرمپ وڌيڪ چيو ته امريڪي اسٽاڪ مارڪيٽ تاريخ جي بلند ترين سطح تي پهچي وئي آهي.