فٽيجز…..
مانجهند جي علائقي منظور آباد ۾ پاڻيءَ جي کوٽ خلاف ايس يو پي پاران خالي مٽ ۽ دلا کڻي احتجاجي مظاهرو ڪري ڌرڻو هنيو ويو.
ايس يو پي ليڊيز ونگ اڳواڻ ياسمين ٿيٻو، محمد ملوڪ، مدد علي سولنگي ۽ ٻين جي اڳواڻيءَ ۾ خالي مٽ ۽ دلا کڻي انڊس هاءِ وي تي احتجاجي مظاهرو ڪري ڌرڻو هڻي نعريبازي ڪئي وئي.
احتجاج ڪندڙن ميڊيا سان ڳالهائيندي چيو ته پبلڪ هيلٿ کاتي جي نااهلي سبب منظور آباد جي ڏهه هزار کان وڌيڪ آبادي پيئڻ جي پاڻيءَ کان محروم آهي.
هنن چيو ته علائقي واسي پنج ڪلو ميٽر فاصلو طئي ڪري پيئڻ جو پاڻي ڀرڻ تي مجبور آهن پر ڪير به پڇڻ وارو ناهي.
احتجاج ڪندڙن اعليٰ اختيارين کان مطالبو ڪيو ته معاملي جو نوٽيس وٺي پيئڻ جو پاڻي فراهم ڪري بيچيني ختم ڪئي وڃي………..
