مانجهند ۾ کنڀي گم ڪيل ڳورهاري عورت جي بازيابي لاءِ وارثن طرفان ٻارڙن جي وات تي تالا هڻي احتجاج ڪيو ويو آهي.
ناري جي وارثن محمد صالح هاجاڻو، بابل لطيف کوسو، گلشير کوسو، شوال ڏيٿو ۽ ٻين جي اڳواڻي ۾ احتجاجي مظاهرو ڪري پوليس خلاف نعريبازي ڪئي.
احتجاج ڪندڙن جو چوڻ هو ته 13 ڏينهن اڳ پوليس شير محمد حاجاڻو جي عيوضي ۾ سندس ڳورهاري گهر واري حسنا حاجاڻو کي کنڀي گم ڪري ڇڏيو آهي.
هنن اعليٰ اختيارين کان مطالبو ڪيو ته بي گناهه کنڀي گم ڪيل 4 ٻارڙن جي ماءُ ڳورهاري عورت کي بازياب ڪرايو وڃي.
