- Advertisement -
مديجي ڀرسان ڪچي واري علائقي ۾ ٻن ڌرين ۾ هلندڙ تڪرار تان زال مڙس قتل ٿي ويا آهن.
ڪچي واري علائقي ۾ ڪلهوڙا ۽ جوڻيجا برادري جي ٻن ڌرين هلندڙ تڪرار تان هٿياربندن ڳوٺ ڊگهپور تي ڪاهه ڪئي.
هٿياربندن الهيار ناريجو ۽ سندس گهرواري مسمات صالحان خاتون کي گوليون هڻي قتل ڪري ڇڏيو.
واقعي جي 8 ڪلاڪن کانپوءِ وارث لاش تعلقي اسپتال کڻائي پهتا جتان ضروري ڪارروائي بعد مڙهه وارثن حوالي ڪيا ويا.
جوڻيجا ڌر الزام هڻندي چيو ته مارجي ويل زال مڙس ڏهن ورهين کان ڳوٺ ڊگهپور ۾ سام طور ترسيل هئا، ڪلهوڙا ڌر جي هٿياربندن حملو ڪيو جنهن ۾ ٻئي مارجي ويا.
هنن چيو ته واقعي جي بروقت اطلاع ڏيڻ باوجود پوليس نه پهتي، معززن جي مداخلت کانپوءِ پوليس چيو ته لاش اسپتال کڻائي اچو پوليس به اتي پهچي ٿي.
پوليس موجب، ڪلهوڙا جوڻيجا تڪرار تان فائرنگ ٿي آهي، جوابدارن جي گرفتاري لاءِ ڪارروائي ۽ وڌيڪ جاچ ڪئي پئي وڃي.
- Advertisement -
