- Advertisement -
مراڪش ٻيڙي حادثي ۾ زنده بچي ويل 15 پاڪستاني واپس پنهنجي گهرن ۾ پهچي ويا آهن.
ايف آءِ اي جو چوڻ آهي ته واپس پهتل شهرين ۾ 4 گجرات، 3 سيالڪوٽ، 3 منڊي بهاوالدين، 2 شيخوپورا، هڪ حافظ آباد، هڪ گوجرانوالا ۽ هڪ جهلم واسي شامل آهن.
ايف آءِ اي موجب، پاڪستانين کي مراڪش اماڻيندڙ انساني سمگلرن جي به سڃاڻپ ٿي وئي آهي، جن جي گرفتاريءَ لاءِ ڇاپا هنيا پيا وڃن.
ايف آءِ اي جو چوڻ آهي ته منڊي بهاءُ الدين واسي شعيب ظفر کي عثمان نالي ايجنٽ مراڪش اماڻيو هو ۽ گجرات جي مدثر حسين کي اماڻڻ ۾ انساني سمگلر علي رضا ملوث آهي.
ايف آءِ اي موجب، گجرات جي عزيز ۽ عمران اقبال کي اماڻڻ ۾ انساني سمگلر فادي گجر ۽ حافظ آباد واسي آصف کي مراڪش اماڻڻ ۾ لاهور واسي انساني سمگلر عثمان ملوث آهي- Advertisement -
