مسلسل برساتن بعد سنڌو درياءُ  ۾ چاڙهه جو سلسلو جاري

مسلسل برساتن بعد سنڌو درياءُ  ۾ چاڙهه جو سلسلو جاري آهي، ڪوٽڙي ڊائون اسٽريم ۾ پاڻي جا وھڪرا پڻ تيزي سان وڌي رھيا آھن، جنھن ڪري مختلف ھنڌن کان درياهه جي بچاءُ بندن تي دٻاءُ وڌي ويو، جنهن سبب بندن کي روڻيون پئجي رھيون آھن. بچاءُ بند ڪمزور ھجڻ سبب ٺٽي ضلعي جي مختلف ڳوٺن کامڙيا ڳوٺ، حبيب ڍوڍو، حاجي قاسم دل، طالب دل ڳوٺ جي رهواسين جو ساھ مُٺ ۾ پئجي ويو آھي ۽ وڏي پئماني تي لڏپلاڻ جون تياريون ڪيون پيون وڃن. سنڌو درياءُ ۾ ڪوٽڙي ڊائون اسٽريم ۾ وڌندڙ پاڻي جي صورتحال کي ڪنٽرول ڪرڻ لاءِ ضلعي انتظاميه ٺٽي سميت آبپاشي کاتي جي اختيارين ڪي به اپاءَ نه ورتا آھن.