معاشي بحران سبب ملڪ ۾ بيروزگاري وڌي وئي آهي : مصطفيٰ ڪمال

ايم ڪيو ايم جي اڳواڻ مصطفيٰ ڪمال چيو آهي ته معاشي بحران سبب ملڪ ۾ بيروزگاري وڌي وئي آهي، مايوسي کي ختم ڪرڻ لاءِ 28 جولاءِ تي ايڪسپو ۾ يوٿ ڪنوينشن ڪوٺايو ويندو، جنهن نوجوان ئي شرڪت ڪندا. احتساب عدالت ڪراچي ۾ پيشي کانپوءِ عدالت ٻاهران ميڊيا سان ڳالهائيندي مصطفيٰ ڪمال چيو ته ڪراچي وارن پاڪستان کي ٺاهڻ ۽ هلائڻ ۾ رول ادا ڪيو آهي، هاڻي اهي پاڪستان کي بچائڻ ۾ به ڪردار ادا ڪندا. هن چيو ته هنن آءِ پي پيز جو مسئلو اٿاريو آهي، مٿن ڪي اليڪٽرڪ سان ملي ڀڳت جا الزام لڳايا وڃن ٿا، جيڪڏهن ايئن هجي ها ته هو هر جمعي تي مظاهرا نه ڪن ها، الزام لڳائڻ وارا عدالت ۾ ثبوت کڻي اچن…