ملائيشين وزيراعظم داتو سري انور ابراهيم ٽن ڏينهن جو دورو مڪمل ڪري ملائيشيا روانو ٿي ويو

وزيراعظم شهبازشريف چيو آهي ته پاڪستان ۽ ملائيشيا وچ ۾ لاڳاپا ڏهاڪن تي ٻڌل آهن، ملائيشين وزيراعظم سان پاڪ ملائيشيا لاڳاپن جي مضبوطيءَ تي اتفاق ٿيو. ملائيشين وزيراعظم داتو سري انور ابراهيم ٽن ڏينهن جو دورو مڪمل ڪري  ملائيشيا روانو ٿي ويو،  وزيراعظم شهبازشريف، نائب وزيراعظم ۽ پرڏيهي وزير اسحاق ڊار، وفاقي وزير ڄام ڪمال ملائيشن وزيراعظم ۽ سندس وفد کي نور خان ايئر بيس تي الوداع ڪيو. ان سلسلي  ۾ڳالهائيندي وزيراعظم چيو ته انور ابراهيم علامه اقبال جو مداح آهي، اها پاڪستان لاءِ فخر جوڳي ڳالهه آهي. هن چيو ته ملائيشين وزيراعظم جو دورو  پاڪ ملائيشيا لاڳاپن ۾ نئين باب جي شروعات ثابت ٿيندو، ٻنهي ملڪن وچ ۾ واپار ۽ سيڙپڪاريءَ کي هٿي ڏيڻ لاءِ مفاهمتي يادداشتن  ۽ معاهدن تي صحيحون ٿيون. شهبازشريف چيو ته پاڪستان مان ملائيشيا کي پراسسڊ گوشت ۽ چانور ايڪسپورٽ ۾ اضافو ڪري طريقيڪار کي وڌيڪ آسان بڻايو ويندو.