ملتان ٽيسٽ ۾ انگلينڊ، پاڪستان کي هڪ اننگز ۽ 47 رنسن تان شڪست ڏئي ڇڏي

ملتان ٽيسٽ ۾ انگلينڊ، پاڪستان کي هڪ اننگز ۽ 47 رنسن تان شڪست ڏئي ڇڏي. ملتان جي انٽرنيشنل ڪرڪيٽ اسٽيڊيم کيڏيل ميچ ۾ پاڪستان پنهنجي ٻئي اڻپوري اننگز جي شروعات ڇهن وڪيٽن جي نقصان تي 152 رنسن تان ڪئي ته سلمان علي آغا ۽ عامر جمال 27 رنسن تي وڪيٽ تي موجود هئا. قومي ڪرڪيٽ ٽيم ٻئي اننگز ۾ رڳو 220 رنسن تي ڍير ٿي وئي، سلمان آغا 63 ۽ عامر جمال 55 رنسون ٺاهي نمايان رهيا. سعودي شڪيل 29، صائم ايوب 25، ڪپتان شان مسعود 11، محمد رضوان 10 ۽ بابر اعظم پنج رنسون ٺاهي آئوٽ ٿيا، جڏهن ته اوپنر عبدالله شفيق بنا ڪنهن رنس ٺاهڻ جي آئوٽ ٿي ويو ۽ بخار سبب ابرار احمد بيٽنگ لاءِ نه آيو. قومي ٽيم پهرين اننگز ۾ شان مسعود، عبدالله شفيق ۽ سلمان علي آغا جي سينچرين سبب 556 رنسون ٺاهيون هيون، جڏهن ته جواب ۾ انگلينڊ جي ٽيم پهرين اننگز ۾ هيري بروڪ جي ٽرپل سينچري ۽ جوروٽ جي ڊبل سينچري سان ستن وڪيٽن جي نقصان 823 رنسون ٺاهي اننگز ڊڪليئر ڪئي هئي.