ملير ۾ هٿياربندن جي فائرنگ ۾ 2 ڄڻا قتل

ملير ۾ ھٿياربندن دڪان اندر گھڙي گوليون ھڻي ٻن ڄڻن کي قتل ڪري ڇڏيو .

اسٽيل ٽائون ٿاڻي جي حد سومار ڳوٺ ۾ موٽرسائيڪل سوار ھٿياربندن دڪان اندر گھڙي فائرنگ ڪري ڏني.

گوليون لڳڻ سبب گپچاڻي واسي زوار حسين کوکر ۽ اطھر حسين جوکيو مارجي ويا، جڏھن تھ ھٿياربندن فرار ٿي ويا.

اطلاع تي پوليس واقعي واري ھنڌ پھچي لاش کڻائي جناح اسپتال منتقل ڪيا جتان پوسٽ مارٽم بعد مڙھھ وارثن حوالي ڪيا ويا .

ميڊيا سان ڳالھائيندي ايس ايس پي ملير طارق الاھي مستوئي چيو تھ موٽرسائيڪل سوار ٻن ھٿياربندن اسٽيٽ ايجنسي ۾ ويٺل گپچاڻي واسي زوار حسين کوکر ۽ اطھر حسين جوکيو تي فائرنگ ڪئي، واقعي واري ھنڌ تان نائين ايم ايم پسٽل جا 14 خول ھٿ آيا آھن.

ايس ايس پي ملير جو چوڻ ھو تھ شروعاتي جاچ مان واقعو ذاتي دشمني لڳي رھيو آھي، شڪ جي بنياد تي ھڪ جوابدار کي گرفتار ڪيو آھي، وڌيڪ جاچ ڪئي پئي وڃي …