تازه ترين

ملڪي تاريخ ۾ پي ٽي آءِ چيئرمين کان وڌيڪ ڪنهن کي رليف نه مليو آهي: صوبائي وزير شرجيل ميمڻ

اطلاعات واري صوبائي وزير شرجيل ميمڻ چيو آهي ته ملڪي تاريخ ۾ پي ٽي آءِ چيئرمين کان وڌيڪ ڪنهن کي رليف نه مليو آهي، ڪو به شخص قانون کان مٿڀرو نه هئڻ گهرجي،  سنڌ مڪمل طور پرامن ۽ ڪٿي احتجاج نه ڪيو پيو وڃي،  ڪنهن قانون ٽوڙيو يا ڀڃ ڊاهه ڪئي ته قانوني ڪارروائي ڪئي ويندي، پي ٽي آءِ چيئرمين پاڻ کي بي ڏوهي سمجهي ٿو ته عدالت وڃي، شاهه محمود قريشي جي پراڻي خواهش پوري ٿي.

ڪراچي ۾ پريس ڪانفرنس ڪندي شرجيل ميمڻ چيو ته پ پ ڪنهن جي گرفتاريءَ  تي جشن ناهي ملهائيندي، پر ڪو به اهو نه سمجهي ٿه قانون هٿن ۾ کڻندو.

سندس چوڻ هو ته پي ٽي آءِ هاڻي رڳو سوشل ميڊيا جي پارٽي بڻجي وئي آهي، سندن احتجاج به سوشل ميڊيا تي آهي.

هن چيو ته پي ٽي آءِ چيئرمين پنهنجي دور ۾ مخالفن کي بدترين انتقام جو نشانو بڻايو، فريال ٽالپر کي عيد جي رات اسپتال مان گرفتار ڪيو ويو، منجهن اخلاقيات آهي، هو ڪنهن جي  ڀيڻ يا نياڻيءَ کي گرفتار نه ڪندا.

شرجيل ميمڻ چيو ته ملڪي تاريخ ۾ پي ٽي آءِ چيئرمين کان وڌيڪ ڪنهن کي رليف نه مليو آهي، ڪو به شخص قانون کان مٿڀرو نه هئڻ گهرجي.

هن چيو ته اسرائيل ۽ ڀارت کان فنڊنگ باوجود کيس ڪجهه نه ٿيو، پوليس گرفتار ڪرڻ وئي ته ان تي پئٽرول بمن سان حملا ڪيا ويا.

شرجيل ميمڻ چيو ته پي ٽي آءِ چيئرمين پاڻ کي بي ڏوهي سمجهي ٿو ته عدالت وڃي، شاهه محمود قريشي جي پراڻي خواهش پوري ٿي.

هڪ سوال جي جواب ۾ صوبائي وزير چيو ته اتحاد ٺاهڻ سڀني جو حق آهي، مقابلو هوندو ته کٽڻ جو مزو ايندو، هر اليڪشن ۾ پ پ مخالف اتحاد ٺهندا رهيا آهن.

شرجيل ميمڻ چيو ته آدمشماريءَ بابت هو وقت کان اڳ ڪجهه به نه ٿو چئي سگهي، چونڊن  ۾ سڀني کي موقعو ملڻ گهرجي

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
108,000SubscribersSubscribe
Pakistan
overcast clouds
16.9 ° C
16.9 °
16.9 °
28 %
2.5kmh
100 %
جمعو
17 °
ڇنڇر
20 °
آچر
18 °
سُومر
18 °
اڱارو
22 °

تازه ترين خبرون