ملڪ جي مختلف شهرن ۾ غيرقانوني طور ترسيل افغان شهرين جي وطن واپسي جو سلسلو جاري

ملڪ جي مختلف شهرن ۾ غيرقانوني طور ترسيل افغان شهرين جي وطن واپسي جو سلسلو جاري آهي. سرڪاري انگن اکرن موجب، 11جون کان 21 جون تائين وڌيڪ 13 هزار 815 افغان شهري پنهنجي ملڪ هليا ويا. واپس ويندڙن ۾ 5 هزار 14 مرد، 4 هزار 87 عورتون ۽ 4 هزار 714 ٻارڙا شامل آهن. افغانستان روانگي لاءِ 547 گاڏين ۾ 498 خاندانن جي پنهنجي وطن واپسي عمل ۾ آندي وئي. سرڪاري انگن اکرن موجب، 21 جون 2024 تائين مجموعي طور 6 لک 20 هزار 981 افغاني پنهنجي ملڪ وڃي چڪا آهن.