هندو رائيٽس فورم جي چيئرمين ۽ اڳوڻي وفاقي وزير ڪشنچند پارواڻي چيو آهي ته هي ملڪ تاريخ جي انتهائي نازڪ موڙ تي بيٺل آهي، ملڪ ۾ موجود سياسي ڪرپشن، جڊيشري ۽ ٻين ادارن اندر ٿيندڙ ڪرپشن جو خاتمو آڻي، چورن، لٽيرن ۽ ذخيرا اندوزن کي سزا ڏني وڃي .
ميرپورخاص ۾ ميڊيا سان ڳالهائيندي ڪشنچند پارواڻي چيو ته سياستدان جيڪڏهن چون ٿا ته هنن کي بي اختيار حڪومتون ملن ٿيون ته پوءِ هو پاڻ ۾ ٻڌي ڪري ڇو نه ٿا بااختيار ٿين .
هن چيو ته بلاول ڀٽو زرداري چوي ٿو ته سنڌ جي ڪچي ۾ آمريڪي فوج جا ڇڏيل هٿيار پهچي چڪا آهن ته ان معاملي جي به جاچ ٿيڻ گهرجي ته اهي هٿيار بارڊر ڪراس ڪري سنڌ جي ڪچي تائين ڪيئن پهتا آهن .
هن وڌيڪ چيو ته بلاول ڀٽو زرداري جي پارٽيءَ جي سنڌ ۾ 15 سال حڪومت رهي آهي، پر سنڌ ۾ نه ماڻهن کي صاف پاڻي ٿو ملي، نه صحت جون سهولتون، ساڳئي وقت مهانگائي عروجتي پهتل آهي .
سندس چوڻ هو ته چيو ته بلاول ڀٽو نوجوان ليڊر آهي، سندس پارٽي سنڌ جي وڏي پارٽي آهي پر هو پاڻ کي چورن ۽ ٺڳن کان الڳ ڪري، پنهنجي پارٽيءَ جي 15 سالن جي حڪومت جي ڪارڪردگيءَ جي اڻڌري جاچ ڪرائي .
هن چيو ته سنڌ جو ڪچو ڏوهارين جي آماجگاهه بڻجي چڪو آهي، جتي جان محمد جهڙن بهادر صحافين کي شهيد ڪري ڏوهاري پناهه وٺي ويٺل آهن ۽ ڪيترن ئي ماڻهن ۽ سرعام اغوا ڪري ڪچي ۾ رکيو پيو وڃي . هن چيو ته سنڌ ۾ هندو نياڻين جي اغوا ۽ زبردستي مذهب مٽائڻ جا واقعا رڪجي ناهن سگهيا، سنڌ حڪومت فورس ڪنورين جو بل ته پاس ڪيو پر اهو اڃا گورنر کي ناهي موڪليو ويو.
