ملڪ ۾ نئين سال جي موقعي تي پيٽروليم شين جي اگهن ۾ وڏي پيماني تي لاٿ جو امڪان آهي

حڪومت نئين سال تي عوام کي نئون تحفو ڏيڻ جو فيصلو ڪري ورتو، جڏهن ته پهرين جنوي کان پيٽروليم شين جي اگهن ۾ لاٿ جو امڪان آهي. اختيارين ايندڙ 15 ڏينهن لاءِ پيٽروليم شين جي قيمتن ۾ وڌي گهٽتائي جو منصوبو تيار ڪري ورتو. ذريعن جو چوڻ آهي ته پيٽرول 10 رپيا 60 پيسا في لٽر گهٽ ڪرڻ جو امڪان آهي، جڏهن ته هاءِ اسپيڊ ڊيزل 8 رپيا 59 پيسا ۽ گاسليٽ 8 رپيا 92 پيسا في لٽر سستو ڪرڻ جو امڪان آهي. ذريعن موجب، جيڪڏهن تجويز جي منظوري ڏني وئي ته پيٽرول جي موجوده قيمت 263 رپيا 45 پيسا مان گهٽ ٿي لڳ ڀڳ 252 رپيا 85 پيسا ٿي ويندي. ذريعن جو چوڻ آهي ته هاءَ اسپيڊ ڊيزل جي قيمت 265 رپيا 65 پيسا مان گهٽجي 257 رپيا 6 پيسا ۽ گاسليٽ جي موجوده قيمت 180 رپيا 54 پيسا مان گهٽ ٿي 171 رپيا 62 تي اچي ويندي. ذريعن موجب پئٽروليم شين جي اگهن ۾ گهٽتائي جو قطعي فيصلو ناڻي واري وزارت جي منظوري کانپوءِ ڪيو ويندو.