ميان صاحب ويجهو هٿياربندن خيرپور کان ڪوئيٽا ويندڙ 6 ڄڻن کي هٿيارن جي زور تي يرغمال بڻائي کانئن 2 لک رپيا روڪ رقم، 3 موٽرسائيڪلون ۽ 6 موبائل فون ڦر ڪري فرار ٿي ويا.
جاڳڻ ايٽ همايون ٿاڻي جي حد ۾ اڻڄاتل هٿياربندن مبينا طور، نصير احمد، سجاد علي،اياز علي،عاشق علي،غلام سرور، هدايت الله ۽ آدم اڄڻ کي هٿيارن جي زور تي يرغمال بڻائي مٿن تشدد ڪيو.
هٿياربند خيرپور واسين کان 2 لک رپيا روڪ رقم،3 موٽرسائيڪلون ۽ 6 موبائل فون ڦر ڪري فرار ٿي ويا.
متاثرن جاڳڻ ايٽ همايون ٿاڻي تي پهچي ڦر واقعي بابت پوليس کي اطلاع ڏنو.
پوليس جو چوڻ آهي ته ڦر بابت اطلاع مليو آهي، واقعي جي وڌيڪ جاچ ڪئي پئي وڃي.
