ميرپورماٿيلي ۾ شاگردن پاران گهوٽڪي ضلعي ۾ يونيورسٽي لاءِ ريلي

ميرپورماٿيلي ۾ شاگردن پاران گهوٽڪي ضلعي ۾ يونيورسٽي لاءِ ريلي ڪڍي وئي .

شاگردن گهنٽا گهر چوڪ کان ڊي ايڇ ڪيو تائين ريلي ڪڍي .

شاگردن چيو ته گھوٽڪي ضلعو ٻيو نمبر ٽئڪس ادا ڪندڙ  ضلعو آھي، چونڊيل نمائندن جي سنجيده نه هجڻ سبب هميشه نظر انداز ڪيو ويو آهي.

شاگردن وڌيڪ چيو ته چونڊيل نمائندن اسيمبلي ڪڏھن يونيورسٽي جي گھر ناھي ڪئي، يونيورسٽي نه ھئڻ ڪري هو ٻين ضلعن ۾ تعليم پرائڻ تي مجبور آهن. شاگردن مطالبو ڪيو ته گهوٽڪي ضلعي اندر انجنيئرنگ ۽ ميڊيڪل جي يونيورسٽي ٺاهي وڃي ته جيئن هو اعليٰ تعليم پرائي سگهن .