ننگر پارڪر جي ٻن ڳوٺن ۾ ٻن نارين جا ڌار ڌار ڦاهو کاڌل لاش هٿ آيا آهن، وارثن طرفان ٻنهي واقعن کي آپگهات قرار ڏنو ويو اهي.
ڳوٺ هيرار ڏيٿا ۾ 25 سالن جي شادي شده حرمي ميگهواڙ جو ڪکائين چونئري مان ڦاهو کاڌل لاش هٿ آيو.
ڳوٺ ڪوئيا ۾ 45 سالن جي مروان زال تاراچند ڪولهي جو ڦاهو کاڌل لاش هٿ آيو آهي.
ڌار ڌار ٿاڻن جي پوليس جو چوڻ آهي اطلاع تي پهچي نارين جا ڦاهو کاڌل لاش تحويل ۾ وٺي پوسٽ مارٽم لاءِ اسپتال منتقل ڪيا ويا آهن.
پوليس موجب وارثن جو چوڻ آهي ته نارين دماغي ناچاڪيءَ سبب آپگهات ڪيو آهي، وڌيڪ پوسٽ مارٽم رپورٽ اچڻ کانپوءِ معاملي جو اصل ڪارڻ معلوم ٿيندو.
ساڃهه وندن طرفان ننگرپارڪر ۾ وڌندڙ آپگهات جي واقعن جي حقيقت سامهون نه اچڻ سبب آپگهات جا واقعا ڏينهن ڏينهن وڌي رهيا آهن.
سندن چوڻ آهي ته ننگرپارڪر ۾ هلندڙ سال 9 مهينن دوران 29 ڄڻن مبينا طور آپگهات ڪيو آهي، جنهن جو اصل ڪارڻ معلوم نه ٿي سگهيو آهي.
هنن سنڌ حڪومت کان مطالبو ڪيو ته جاچ ڪميٽي جوڙي ننگرپارڪر ۾ آپگهات جي وڌندڙ واقعن جو ڪارڻ معلوم ڪري ۽ انهن کي روڪڻ لاءِ اپاءَ ورتا وڃن.
