نوابشاهه ۾ ڦر دوران مزاحمت تي قتل ٿيل 2 دڪاندار ۽ چوڪيدار مٽيءَ ماءُ حوالي ڪيا ويا.
اربع ڏينهن نوابشاهه جي علائقي مريم روڊ تي ٿانون جي دڪان تي هٿياربندن ڦر دوران مزاحمت ڪرڻ تي چوڪيدار شفيق خواجا کي قتل، اسلم ڀٽي ۽ رضوان ڀٽي کي زخمي ڪيو ويو هو.
واقعي بعد زخمين کي اسپتال منتقل ڪيو ويو هو جتي هنن زخمن جا سور نه سهندي دم ڌڻي حوالي ڪيو هو جنهن بعد مارجي ويلن جو انگ وڌي 3 ٿي ويو هو.
ڦر دوران مزاحمت تي قتل ٿيل اسلم، رضوان ڀٽي ۽ شاهد خواجه جي جنازي نماز ۾ ڪئي وئي جنهن ۾ سوين شهرين شرڪت ڪئي.
جنازي نماز بعد ٽنهي ڄڻن جا مڙهه مٽيءَ ماءُ حوالي ڪيا ويا.
پوليس اڃا تائين واقعي ۾ ملوث جوابدارن کي گرفتار نه ڪري سگهي آهي.
