نواب ولي محمد ۾ وڳڻ جي رهواسين مبينا طور اغوا ٿيل ناري جي بازيابي لاءِ احتجاج ڪيو.
شمشاد خاتون ڀاءُ سليم چانڊيي سان گڏجي مبينا طور اغوا ٿيل ناري اقصيٰ چانڊيو جي بازيابي لاءِ پريس ڪلب پهچي احتجاج ڪيو .
احتجاج ڪندڙ شمشاد خاتون ۽ سليم چانڊيي چيو ته 4مهينا اڳ طارق چانڊيي، سھيل، روشن، لائق چانڊيي ۽ هڪ اڻڄاتل هٿيار بند گهر ۾ گهڙي ناري اقصيٰ چانڊيو کي اغوا ڪيو.
هنن چيو ته ناري اقصيٰ جو دماغي توازن ٺيڪ نه آهي، جوابدارن خلاف ڪيس داخل ڪرايو آهي پر طارق چانڊيو نڪاح ڪرڻ جو ڪوڙو ڊرامو ڪري رهيو آهي.
احتجاج ڪندڙ شمشاد خاتون ۽ سليم چانڊيي مطالبو ڪيو ته نياڻي اقصيٰ چانڊيو کي بازياب ڪرائي جوابدارن خلاف ڪارروائي ڪئي وڃي
