- Advertisement -
سينيٽ چيئرمين يوسف رضا گيلانيءَ چيو آهي ته نوجوان قيادت ملڪ جا مسئلا حل ڪرڻ جو عزم ۽ حوصلو رکي ٿي، سموري قوم کي بلاول ڀٽو زرداريءَ جي اڳواڻيءَ وارين صلاحيتن تي فخر آهي.
بلاول ڀٽو زرداريءَ جي 36هين سالگرهه جي موقعي تي جاري ڪيل بيان ۾ يوسف رضا گيلاني چيو ته جنم ڏينهن جي موقعي تي هو چيئرمين بلاول ڀٽو زرداريءَ کي واڌايون ڏي ٿو.
هن چيو ته بلاول نفرت ۽ ورهائڻ واري سياست ختم ڪري نوجوانن لاءِ اڳتي وڌي رهيو آهي، پ پ چيئرمين عوام جي ترجماني ۽ قيادت جو ڀرپور جذبو رکي ٿو.
سينيٽ چيئرمين چيو ته جمهوريت ۽ جمهوري روايتن لاءِ بلاول ڀٽو زرداريءَ جون ڪوششون ساراهه جوڳيون آهن.
يوسف رضا گيلاني چيو ته بلاول ڀٽو زرداري شهيد ذوالفقار علي ڀٽو ۽ شهيد راڻي جو مشن اڳتي وڌائي رهيو آهي.- Advertisement -
