نوشهري فيروز ۾ بااثرن ڳوٺاڻن کي پيرسن جو لاش دفنائڻ کان روڪي ڇڏيو

نوشهري فيروز ۾ بااثرن ڳوٺاڻن کي پيرسن جو لاش دفنائڻ کان روڪي ڇڏيو، جنهن تان ڇڪتاڻ پيدا ٿي وئي. پيرسن محمد سليمان چني جو لاش قبرستان آڻڻ دوران هڪ ڌر کوٽيل قبر لَٽي ڳوٺاڻن کي لاش سميت موٽائي ڇڏيو، جنهن تي متاثرن احتجاجي مظاهرو ڪيو. ان موقعي تي متاثر ڌر جي فياض حسين ٻڌايو ته حق نواز چنه ۽ ٻين والد جو لاش دفنائڻ نه ڏنو،لٺيون ۽ ڪھاڙيون هڻي زوري قبر لَٽي وئي آهي، پوليس به مدد نه ڪئي. هوڏانهن الزام هيٺ آيل حق نواز ٻڌايو ته قبرستان سندن آهي، زبردستي تدفين جي ڪوشش ڪئي وئي.