- Advertisement -
پنجاب جي سينيئر وزير مريم اورنگزيب چيو آهي ته نيب جي نئين قانون تحت رليف جي پهرين درخواست نو مئي جي ڏوهاري ڏني آهي، رياست خلاف رٿا بندي ڪري حملا ڪندڙ ڏوهاري لاءِ ڪابه معافي ناهي، اين آر او جي خيرات گهرندڙ جلسا ڪري، روئي يا رڙيون ڪري پر سزا ته ملندي.
جاري ڪيل بيان ۾ مريم اورنگزيب چيو ته نيب جي نئين قانون تحت رليف جي پهرين درخواست نو مئي جي ڏوهاري ڏني آهي، جيڪو دعويٰ ڪري رهيو هو ته هي قانون چورن کي بچائڻ لاءِ ٺاهيو ويو آهي.
سندس چوڻ هو ته رياست خلاف رٿا بندي ڪري حملا ڪندڙ ڏوهاري لاءِ ڪابه معافي ناهي، اين آر او جي خيرات گهرندڙ جلسا ڪري، روئي يا رڙيون ڪري پر سزا ته ملندي.
پنجاب جي سينيئر وزير مريم اورنگزيب سوال اٿاريندي چيو ته جنهن نيب قانون کي چورن جو قانون قرار ڏنو، هن پاڻ ئي سڀ کان پهريان رليف جي درخواست ڇو ڏني؟.
هن چيو ته هي شخص جيڪو گهڙي ۽ توشاخانه جو چور آهي ۽ 190 ملين پائونڊ جو ڏوهاري آهي، ٻين تي گند اڇلائڻ جي آڙ ۾ اين آر او وٺي ڀڄڻ چاهي ٿو، هي شخص روزانو اين آر او جي خيرات گهري رهيو آهي پر پنهنجي ڏوهه جو حساب نٿو ڏئي.
پنجاب جي سينيئر وزير مريم اورنگزيب چيو ته جن کي چور چوندو هو، اهي هن شخص جي هوندي ظلم جو نشانو بڻيا ۽ پنهنجي هر الزام جو جواب ڏنو، قيد ڪاٽيو ۽ عدالتن مان سوڀارا ٿيا، پر اين آر او جي خيرات نه گهري.- Advertisement -
