نيوسعيدآباد پوليس ڪاررواين دوران ٻن ڏوهارين کي گرفتار ڪري ڦر ڪيل سامان ۽ منشيات هٿ ڪرڻ جي دعويٰ ڪئي آهي.
ڊي ايس پي عطامحمد ڏاھري ۽ ايس ايڇ او عبدالحق عمراڻي پوليس اٽالن سان گڏجي مختلف هنڌن تي ڇاپا هنيا.
پوليس موجب، دڪاندار عذير ميمڻ جي دڪان مان چوري ٿيل 80 لک رپين جي ماليت جون موبائيل فونون هٿ ڪري چور بلال ملڪ کي گرفتار ڪيو آهي.
پوليس جو چوڻ هو ته ٻي ڪارروائي دوران منشيات فروش ڪائو راجپوت کي گرفتار ڪري منشيات هٿ ڪئي. ڊي ايس پي عطامحمد ڏاھري ۽ ايس ايڇ او عبدالحق عمراڻي چيو ته ڏوهارين کي ڪنهن به صورت ۾ معاف نه ڪيو ويندو، عوام جي جان ۽ مال جو تحفظ سندن پهرين ترجيح آهي
