نگران وزيراعظم جي نالي تي حڪومتي اتحاد وچ ۾ صلاح مشوري جو آخري دور اڄ شروع ٿيڻ جو امڪان آهي.
ذريعن موجب اتحادي پارٽين جا تجويز ڪيل نالا سامهون اچڻ کانپوءِ وزيراعظم مخالف ڌر جي اڳواڻ سان ملاقات ڪندو.
ذريعن جو چوڻ آهي ته حڪومتي اتحاد ۾ نگران وزيراعظم لاءِ 5 کان وڌيڪ نالن تي غور ڪيو ويو.
نگران وزيراعظم لاءِ حتمي نالن جو معاملو پارٽي قيادت تي ڇڏڻ جي تجويز ڏني وئي آهي.
ذريعن جو وڌيڪ چوڻ آهي ته حتمي فيصلو وزيراعظم، بلاول ڀٽو ۽ مولانا فضل الرحمان ٻين پارٽين سان رابطو ڪرڻ کانپوءِ ڪندا.
