وزيراعظم شهباز شريف، نگران وزيراعظم جي نالي تي صلاح مشورا جاري رکڻ جو فيصلو ڪيو آهي.
حڪومتي ذريعن موجب، ننڍين سياسي پارٽين به نگران وزيراعظم لاءِ نالا وزيراعظم شهباز شريف حوالي ڪري ڇڏيا.
حڪومتي ذريعن جو چوڻ آهي ته نگران وزيراعظم واري معاملي تي مخالف ڌر اڳواڻ راجا رياض ۽ وزيراعظم شهباز شريف ۾ اڄ يا سڀاڻي ملاقات جو امڪان آهي.
حڪومتي ذريعن موجب، راجا رياض، وزيراعظم شهباز شريف کي نالن بعد پنهنجا نالا ڏيندو.
نگران وزيراعظم لاءِ شاهد خاقان عباسي، حفيظ شيخ، عشرت العباد ۽ اسلم ڀوتاڻي جا نالا سامهون آيا هئا جڏهن ته اتحادين قطعي فيصلي جو اختيار وزيراعظم کي ڏنو هو.
ذريعن جو چوڻ آهي ته وزيراعظم شهباز شريف قطعي فيصلي جو اختيار هئڻ باوجود صلاح مشورن سان نالو فائنل ڪرڻ جو فيصلو ڪيو آهي.
شهباز شريف ان حوالي سان نواز شريف سان مسلسل رابطي ۾ آهي.
حڪومتي ذريعن موجب، وزيراعظم شهباز شريف اڳوڻي صدر آصف علي زرداري سان به ملاقات ڪندو.
حڪومتي ذريعن جو چوڻ آهي ته ٻن ڏينهن اندر نگران وزيراعظم جو نالو سامهون اچي ويندو
