قومي اسيمبلي اڄ ٽوڙڻ لاءِ سمري اڄ صدر ڏانهن موڪلي ويندي، نگران وزيراعظم لاءِ وزيراعظم ۽ مخالف ڌر جي اڳواڻ ۾ صلاح مشورا سڀاڻي ٿيندا، پيپلزپارٽيءَ جسٽس رٽائرڊ تصدق جيلاني ۽ اڳوڻي سيڪريٽري جليل عباس جيلاني جا نالا ڏنا آهن.
نگران وزيراعظم مقرر ڪرڻ لاءِ وزيراعظم شهبازشريف ۽ مخالف ڌر جي اڳواڻ راجا رياض وچ ۾ رٿيل ملاقات ملتوي ٿي وئي جيڪا هاڻي سڀاڻي ٿيندي.
نگران وزيراعظم لاءِ حفيظ شيخ، شاهد خاقان عباسي ۽ جسٽس رمدي جا نالا سامهون آيا هئا، پر هاڻي پيپلزپارٽيءَ به جسٽس رٽائرڊ تصدق جيلاني ۽ اڳوڻي سيڪريٽري جليل عباس جيلاني جا نالا ڏنا آهن.
ذريعن موجب نگران وزيراعظم لاءِ جليل عباس جيلاني مضبوط اميدوار آهي.
نگران وزيراعظم لاءِ وزيراعظم شهبازشريف ۽ مخالف ڌر جي اڳواڻ راجا رياض وچ ۾ سڀاڻي قطعي صلاح مشورا ٿيندا، جنهن ۾ هڪ نالو فائنل ڪيو ويو. وزيراعظم ۽ مخالف ڌر جي اڳواڻ وچ ۾ اتفاق نه ٿيڻ تي معاملو اليڪشن ڪميشن ڏانهن هليو ويندو.
