نگران وڏي وزير جسٽس (ر) مقبول باقر طرفان قطر اسپتال سميت مختلف ادارن جو دورو ڪري صورتحال جو جائزو ورتو.
نگران وڏي وزير قطر اسپتال جي دوري دوران ايمرجنسي، فارميسي ۽ وارڊن جو معائنو ڪيو ويو.
وڏي وزير طرفان وارڊن ۾ بدبوءِ، گندگي ۽ خراب حالت تي ايم ايس مٿان ڪاوڙ جو اظهار ڪيو ويو.
جسٽس رٽائرڊ مقبول باقر پاران رڪارڊ روم جي معائني دوران صفائي نه هئڻ تي ڪاوڙ جو اظهار ڪيو ويو.
سنڌ جي نگران وڏي وزير موجود مريضن جو رجسٽر چيڪ ڪيو.
نگران وڏي وزير جو چوڻ هو ته رڪارڊ جي ڪابه ترتيب نه آهي ۽ نه ئي مڪمل رڪارڊ آهي.
نگران وڏي وزير مقبول باقر طرفان اسپتال کي بهتر هلائڻ جي هدايت پڻ ڪئي وئي.
نگران وڏي وزير جو چوڻ هو ته هيءَ اسپتال ان طريقي سان ناهي هلائڻي جنهن طريقي سان هلي رهي آهي.
ٻي پاسي نگران وڏي وزير گلشن اقبال ۽ جمشيد ٽائون جي سب رجسٽرار آفيسن جا دورا ڪري رجسٽريشن چيڪ ڪئي.
نگران وڏي وزير جسٽس رٽائرڊ مقبول باقر سب رجسٽرار کي چيوته جيڪڏهن ڪنهن شهري کان رشوت ورتي وئي ته کين معاف نه ڪيو ويندو.
هوڏانهن نگران وڏي وزير جسٽس رٽائرڊ مقبول باقر اورنگي ٽائون ٿاڻي جو دورو ڪري عمارت جي خراب صورتحال تي ڪاوڙ جو اظهار ڪيو.
