نگران وڏي وزير مقبول باقر نينگري فاطما ڦرڙو جي قتل جو نوٽيس ورتو

سنڌ جي نگران وڏي وزير جسٽس رٽائرڊ مقبول باقر راڻيپور جي حويلي ۾ تڙپي تڙپي فوت ٿيل نينگري فاطما ڦرڙو جي واقعي جو نوٽيس وٺندي جوابدارن کي ڪيفر ڪردار تائين پهچائڻ جي هدايت ڪئي آهي.

سي ايم هائوس جي ترجمان موجب، نگران وڏي وزير مقبول باقر نينگري فاطمه ٻرڙو جي واقعي جو نوٽيس ورتو آهي.

نگران وڏي وزير نينگريءَ جي وارثن سان تعزيت جو اظهار ڪيو ۽ کين انصاف جي خاطري ڪرائي.

نگران وڏي وزير آءِ جي سنڌ جي هدايت ڪئي ته نينگريءَ جي قاتلن کي ڪيفر ڪردار تائين پهچايو وڃي.

سندس چوڻ آهي ته اهڙي قسم جا واقعا ڪنهن به صورت ۾ قبولڻ جوڳا ناهن.