ن ليگ مضبوط آهي، انشاءَ الله ڪاميابي ماڻيندي : مريم اورنگزيب

پاڪستان مسلم ليگ نون جي ترجمان مريم اورنگزيب چيو آهي ته هن وقت تائين سمورن تڪن جا صرف 10 کان 15 سيڪڙو نتيجا آيا آهن، ان سان ڪنهن به سياسي جماعت جي کٽڻ يا هارائڻ جو تعين نٿو ڪري سگھيجي. پنهنجي بيان ۾ مريم اورنگزيب چيو ته ن ليگ مضبوط آهي، انشاءَ الله ڪاميابي ماڻيندي. سندس چوڻ هو ته ن ليگ جو پنهنجو اليڪشن سيل آهي جنهن ۾ سمورا رزلٽ گڏ ڪيا پيا وڃن، طريقيڪار موجب فارم 45 حاصڪ ڪري رزلٽ فائنل ڪئي پئي وڃي. ليگي اڳواڻ جو چوڻ هو ته موبائل فون سروس ۽ انٽرنيٽ سروس جي بندش سبب رابطو نه پئي ٿي سگھو، ن ليگ ميدان کان ڀڄڻ واري جماعت ناهي، ڄمي مقابلو ڪري رهي آهي ۽ ڪندي. مريم اورنگزيب وڌيڪ چيو ته اين اي 119 ۽ پ پ 159 ۾ مريم نواز کي ڪاميابي ملي آهي.