ن ليگ ۽ ايم ڪيو ايم حڪومتي سيٽ اپ ۾ گڏجي هلڻ تي اتفاق ڪيو آهي.
سنڌ جي گورنر ڪامران ٽسوري، مصطفيٰ ڪمال ۽ ڊاڪٽر فاروق ستار تي ٻڌل ايم ڪيو ايم پاڪستان جي وفد ن ليگ صدر ۽ وزيراعظم جي اميدوار شهبازشريف سان ملاقات ڪئي، ملاقات ۾ اسحاق ڊار، اياز صادق، اعظم تارڙ ۽ محمد احمد خان شامل هئا.
ايم ڪيو ايم موجب ٻنهي پارٽين ملڪ ۾ سياسي، جمهوري ۽ معاشي استحڪام لاءِ مفاهمت ۽ گڏيل سهڪار وارو عمل جاري رکڻ تي اتفاق ڪيو آهي.
جاري ڪيل پڌرائي موجب وسيلن، اختيارن ۽ اقتدار جي منصفاڻي ورڇ کي يقيني بڻائڻ جي بنياد تي حڪومت سازي جو سلسلو اڳتي وڌايو ويندو، سنڌ جي شهري علائقن جي حقن جي تحفظ خاص طور ڪراچي جي معاشي ۽ اقتصادي اهميت کي بحال ڪرڻ لاءِ گڏجي اڳتي وڌڻ تي اتفاق ڪيو ويو.
ٻنهي پارٽين ۾ حڪومت سازيءَ جي سلسلي کي اڳتي وڌائڻ لاءِ وڌيڪ ملاقاتن جو امڪان آهي
