هالا ڀرسان هوٽل جي ڇت ڪرڻ سبب 2 ڄڻا دٻجي فوت

هالا ويجهو هوٽل جي ڇت ڪرڻ سبب 2 ڄڻا فوت ۽ هڪ ڄڻو زخمي ٿي پيو. ڳوٺ لقمان ڪوريجا ۾ هوٽل جي ڇت ڪري پئي، جنهن جي نتيجي ۾ نوجوان ڀورل ڪوريجو ۽ راشد پٽ زين العابدين ڪوريجو دٻجي فوت ٿي ويا، جڏهن ته رفيق ڪوريجو سخت زخمي ٿي پيو. اطلاع تي وڏي انگ ۾ ڳوٺاڻا پهچي ويا، جن پنهنجي مدد پاڻ تحت ڪوششون ڪري فوتين لاش ۽ زخمي کي ڪڍي تعلقي اسپتال منتقل ڪيو. فوتين جا لاش ضروري ڪارروائي بعد وارثن حوالي ڪيا ويا، جڏهن ته زخمي کي حالت ڳڻتي جوڳي هجڻ ڪري ٻئي اسپتال ڏانهن ريفر ڪيو ويو.