آءِ سي سي ڪرڪيٽ ورلڊڪپ 2023 ۾ پاڪستان ۽ ڀارت جي مئچ ري شيڊول ڪئي وئي آهي.
ڀارتي ميڊيا موجب آءِ سي سي ڪرڪيٽ ورلڊ ڪپ جي شيڊول ۾ تبديلين جي اعلان جو امڪان آهي.
احمد آباد جي انتظاميا سڪيورٽي سببن جي ڪري مذهبي ڏڻ جي ڪري پاڪ ڀارت مئچ کي ري شيڊول ڪرڻ جي درخواست ڪئي هئي.
ڀارتي ميڊيا ٻڌايو ته ورلڊ ڪپ جي شيڊول ۾ ڪجهه تبديليون ڪيون ويون آهن.
پاڪستان ۽ ڀارت وچ ۾ مئچ هاڻي 15 آڪٽوبر بدران 14 آڪٽوبر تي کيڏي ويندي.
14آڪٽوبر تي انگلينڊ ۽ افغانستان جي وچ ۾ ون ڊي نائٽ ميچ 15 آڪٽوبر کي ڏينهن ۾ ڪرائڻ جو امڪان آهي.
ميڊيا رپورٽس موجب پاڪ ڀارت ميچ جي شيڊول ۾ تبديلي نوراتري ڏڻ جي ڪري ڪئي پئي وڃي.
ڀارتي ڪرڪيٽ بورڊ جي سربراهه جئي شاهه جو چوڻ آهي ته ڪجهه بورڊز جي وچ ۾ 6 ڏينهن جي وقفي کي گهٽ ڪري 4 يا 5 ڏينهن ڪرڻ جي درخواست ڪئي هئي.
جئي شاهه موجب ورلڊ ڪپ جي وينيوز ۾ تبديلي نه پئي ڪئي وڃي، رڳو تاريخن کي تبديل ڪيو پيو وڃي .
