وزيراعظم سان بلاول ڀٽو زرداري جي ملاقات، پ پ ملڪي معيشت جي استحڪام لاءِ حڪومت جي قدم ۾ ساٿ ڏنو

وزيراعظم شهبازشريف چيو آهي ته پيپلزپارٽي اهم اتحادي پارٽي آهي، بلاول ڀٽو زرداريءَ  طرفان چارٽر آف پارليامينٽ واري تجويز جي هو واکاڻ ڪري ٿو. وزيراعظم شهبازشريف سان پ پ جي وفد چيئرمين بلاول ڀٽو زرداري جي قيادت ۾ ملاقات ڪئي، وفد ۾ سيد نويد قمر، ڪراچيءَ جو ميئر مرتضيٰ وهاب شامل هئا. ملاقات ۾ نائب وزيراعظم ۽ پرڏيهي وزير اسحاق ڊار، قانون وارو وزير، اعظم نذير تارڙ، عطا تارڙ ۽ اٽارني جنرل به موجود هئا. ملاقات دوران ملڪ جي سياسي صورتحال تي صلاح مشورا ڪيا ويا. وزيراعظم جو چوڻ هو ته پ پ حڪومت جي اهم اتحادي پارٽي  آهي، پ پ ملڪي معيشت جي استحڪام لاءِ حڪومت جي قدم ۾ ساٿ ڏنو. شهبازشريف، بلاول ڀٽو زرداريءَ جي پارليامينٽ ۾ ڏنل تجويز چارٽر آف پارليامينٽ جي به واکاڻ ڪئي.