وزيراعظم شهبازشريف، ن ليگ جي پارٽي صدارت جي عهدي تان استعيفيٰ ڏئي ڇڏي آهي.
شهبازشريف صدارت تان استعيفيٰ پارٽي قائد نوازشريف ڏانهن موڪلي ڇڏي آهي، هن ٻه ڏينهن اڳ هن پارٽي قائد استعيفيٰ بابت آگاهه پڻ ڪيو هو.
ن ليگ جي مرڪزي ڪميٽيءَ جو اجلاس 18 مئي تي طلب ڪيو ويو آهي، جنهن ۾ نوازشريف کي پارٽيءَ جو صدر چونڊيو ويندو.
اجلاس ۾ 18 مئي تي صبح ساڍي يارهين وڳي 180 ايڇ بلاڪ ماڊل ٽائون لاهور ۾ طلب ڪيو ويو آهي، جيڪو پارٽي آئين جي شق پندرهن تحت گهرايو ويو.
پارٽيءَ جي سيڪريٽري جنرل احسن اقبال سمورن ميمبرن کي اجلاس جو نوٽيس پڻ موڪلي ڇڏيو آهي….
