وزيراعظم شهبازشريف پاڪ فوج جي آپريشنل تيارين تي اطمينان جو اظهار

وزيراعظم شهبازشريف پاڪ فوج جي آپريشنل تيارين تي اطمينان جو اظهار ڪيو آهي. آءِ ايس پي آر طرفان جاري ڪيل بيان ۾ چيو ويو ته راولپنڊي ۾ آرمي وار گيمز جي پڄاڻيءَ واري تقريب ٿي، جنهن ۾ وزيراعظم شهبازشريف، آرمي چيف جنرل عاصم منير، بچاءَ واري وزير خواجه آصف، ناڻي واري وزير محمد اورنگزيب، سڌ سماءَ واري وفاقي وزير عطا تارڙ ۽ سينيئر فوجي عملدارن شرڪت ڪئي. وزيراعظم کي وار گيم ۽ پاڪ فوج جي آپريشنل تيارين کي بريفنگ ڏني وئي ۽ کيس آڏو خطرن کي منهن ڏيڻ واري حڪمت عملي کان آگاهه ڪيو ويو. آءِ ايس پي آر موجب وزيراعظم هٿياربندن فوج جي خطي ۾ طاقت جي توازن لاءِ ڪردار جي واکاڻ ڪئي. فوجي قيادت ملڪي سلامتي ۽ دفاع وارو عزم ورجائيندي چيو ته پاڪ فوج هر قسم جي سڪيورٽي چئلينجن کي منهن ڏيڻ لاءِ تيا آهي، ملڪ خلاف هر قسم جا ڪـُـڌا ارادا ناڪام بڻايا ويندا.