- Advertisement -
وزيراعظم شهبازشريف ۽ قطري هم منصب شيخ محمد بن عبدالرحمان الثاني وچ ۾ ملاقات ٿي آهي.
دوحا ۾ ٿيل ملاقات ۾ ٻنهي اڳواڻن ٻطرفن لاڳاپن، واپار ۽ سيڙپڪاري تي خيالن جي ڏي وٺ ڪئي، جڏهن ته توانائي ۽ ثقافتي شعبن ۾ سهڪار وڌائڻ تي به ڳالهيون ڪيون ويون.
وزيراعظم شهبازشريف، پاڪستان جي اقتصادي ترقي ۾ قطر جي سهڪار ۽ انساني همدردي وارن قدمن توڙي سفارتي ڪوششن جي ساراهه ڪئي.
ٻنهي اڳواڻن ترقي جي نون شعبن جي نشاندهي ڪرڻ لاءِ اعليٰ سطحي وفدن جي اعليٰ سطحي وفدن جي مٽاسٽا جاري رکڻ تي اتفاق ڪيو ويو.
وزيراعظم شهبازشريف قطري سيڙپڪارن کي پاڪستان جي زراعت، انفارميشن ٽيڪنالاجي ۽ سياحت ۾ سيڙپڪاري جي به دعوت ڏني.
شهبازشريف، پرڏيهي سيڙپڪارن لاءِ سازگار ماحول فراهم ڪرڻ لاءِ پاڪستان حڪومت جي عزم ۽ حڪمت عملي بابت قطري وزيراعظم کي آگاهه ڪيو
هوڏانهن وزيراعظم شهبازشريف قطر جي امير شيخ تميم بن حمد ال ثاني سان گڏ قطر ميوزيم ۾ منظر آرٽ گيلري جو دورو ڪيو.
وزيراعظم ۽ قطر جي امير اعليٰ سطحي وفدن ۽ ٻطرفي ملاقات بعد هڪ ئي گاڏيءَ ۾ ديوان امير کان قطر ميوزيم تائين سفر ڪيو.
قطر جي امير وزيراعظم شهبازشريف کي پاڻ پاڪستاني فنپارن جي نمائش منظر جو دورو ڪرايو.
ٻنهي ملڪن جي اڳواڻن وچ ۾ غير روايتي گرمي جوشي ڏسڻ وٽان هئي.
وزيراعظم، قطر جي امير ۽ سندس ڀيڻ طرفان آرٽ گيلري ڪرائڻ ۽ پاڪستاني فنڪارن کي هٿي ڏيڻ تي سندن ٿورا مڃيا- Advertisement -
