وزيراعظم شهباز شريف جي صدارت هيٺ وفاقي ڪابينا جو اڄوڪو اجلاس ملتوي ڪيو ويو آهي.
ذريعن موجب، وفاقي ڪابينا اجلاس ۾ ملڪي معاشي، سياسي ۽ مجموعي سڪيورٽي صورتحال بابت غور ٿيڻو هو.
ذريعن جو چوڻ آهي ته وفاقي ڪابينا ايران ۽ اسرائيل ڇڪتاڻ جو به جائزو وٺي ها، ايراني حملي جي خطي تي اثرن بابت به غور ڪيو وڃي ها.
ذريعن جو چوڻ آهي ته وزيراعظم شهباز شريف پنهنجي آمريڪا دوري بابت ڪابينا کي اعتماد ۾ وٺي ها، حڪومت جي خرچن کي ڪنٽرول ڪرڻ جو معاملو به غور هيٺ اچي ها.
ذريعن موجب، وزيراعظم شهباز شريف ۽ ڪابينا ميمبرن جي مصروفيت سبب ڪابينا اجلاس ملتوي ڪيو ويو.
