وزيراعظم شهباز شريف وفاقي وزيرن کي آءِ ايم ايف جو ٽارگيٽ پورو ڪرڻ جو ٽاسڪ ڏئي ڇڏيو

وزيراعظم شهباز شريف وفاقي وزيرن کي آءِ ايم ايف جو ٽارگيٽ پورو ڪرڻ جو ٽاسڪ ڏئي ڇڏيو، سڌ سماءَ واري وفاقي وزير عطا تارڙ جو چو آهي ته وزيراعظم شهباز شريف سمگلنگ روڪڻ لاءِ به ٽارگيٽ ڏنو آهي، ناڻي واري وزارت کي مهانگائي گهٽ ڪرڻ جي هدايت ڪئي وئي آهي، حڪومت عوامي ڀلائي لاءِ ڪوشش ڪري رهي آهي، معدنيات جون شيون ٻاهر موڪلڻ وڌائڻ جو به ٽارگيٽ ڏنو ويو آهي. لاهور ۾ پريس ڪانفرنس ڪندي عطا تارڙ چيو ته وزيراعظم ادارن جي ڪارڪردگي جي جاچ جو پڪو پهه ڪيو آهي، شهباز شريف هر وزارت لاءِ هدف مقرر ڪيا آهن، لکت ۾ هدايتون وزارتن کي پهريون ڀيرو ڏنيون پيون وڃن. سندس چوڻ هو ته ناڻي واري وزير کي مهانگائي ۽ بيروزگاري ختم ڪرڻ جو حدف ڏنو ويو آهي، وزيراعظم شهباز شريف وفاقي وزيرن کي آءِ ايم ايف جو ٽارگيٽ پورو ڪرڻ جو به ٽاسڪ ڏنو آهي. سڌ سماءَ واري وفاقي وزير عطا تارڙ چيو ته ناڻي واري وزارت جي ڊي پي ۾ اضافو، آءِ ايم ايف جي معاملا ۽ قرضن بابت ڪارڪردگي ٻڌائيندي، قانون واري وزارت ۾ قانون سازي لاءِ هدف مقرر ڪيا ويا آهن، معدنيات جون شيون ٻاهر موڪلڻ وڌائڻ جو به ٽارگيٽ ڏنو ويو آهي. هن چيو ته ڪاروبار کي آسان بڻائڻ لاءِ هدف ڏنو ويو آهي، اسڪول کان ٻاهر ٻارن جي حوالي سان واضح هدف مقرر ڪيا ويا آهن، ڪمرشل بينڪن سان پي آءِ اي جا معاملا طئي ٿي ويا آهن. سڌ سماءَ واري وفاقي وزير عطا تارڙ چيو ته واپاري خسارو گهٽائڻ، ناڻي جي ذخيرا ۽ ايڪسپورٽ وڌائڻ جو حدف به ڏنو ويو آهي، وفاقي ڪابينا ۾ خود احتسابي جو نظام متعارف ڪرايو ويندو، آءِ ٽي ايڪسپورٽ کي وڌايو ويندو. سندس چوڻ هو ته دهشتگردي کي روڪڻ لاءِ سندن انٽيليجنس ايجنسيز ڪم ڪيو، غير قانوني هٿيارن جي حوالي سان رولز ٺاهيا ويندا، ايف بي آر کي ڊيجيٽائزيشن لاءِ ٽارگيٽ ڏنو ويو آهي. سڌ سماءَ واري وفاقي وزير عطا تارڙ چيو ته وزيراعظم کي ڪم وٺڻ ايندو آهي، هن ماضي ۾ به ڪم ڪري ڏيکاريون، شهباز شريف 16 مهينن ۾ ملڪ کي ڊيفالٽ ٿيڻ کان بچايو، رپيو مستحڪم ٿيو آهي، ڪابينا عوامي ووٽ سان آئي آهي ۽ عوام کي جواب ڏيندي.