وزيراعظم طرفان پاڪ سعودي لاڳاپن کي نئين بلندين تي پهچائڻ تي سعودي ولي عهد محمد بن سلمان کي ڀيٽا

وزيراعظم شهباز شريف چيو آهي ته هو پنهنجي پياري ڀاءُ شهزاده محمد بن سلمان، ولي عهد ۽ سعودي عرب جي وزيراعظم طرفان رياض جي سرڪاري دوري تي دل کي ڇهندڙ آڌرڀاءُ سان تمام گهڻو ٿيو آهي. سماجي رابطن واري ويب سائيٽ ايڪس تي جاري ڪيل بيان ۾ شهباز شريف چيو ته رائل سعودي ايئر فورس جي جيٽ جهازن طرفان سندس جهاز کي فراهم ڪيل بي مثال پروٽوڪول ۽ سعودي فوج جي دستي جي گارڊز جو شاندار استقبال پاڪستان ۽ سعودي عرب ۾ محبت ۽ گڏيل احترام جو اظهار آهي. سندس چوڻ هو ته سعودي ولي عهد سان سندس اهم ترين ڳالهين ۾ علاقائي چئلينجن جو جائزو ورتو ويو ۽ ٻه طرفي سهڪار کي وڌائڻ تي اتفاق ڪيو ويو. وزيراعظم چيو ته سعودي ولي عهد جي قيادت ۽ ويزن تعريف جوڳو آهي. شهباز شريف چيو ته هو ٻه طرفي محاذ تي مسلسل حمايت ۽ ٻنهي ملڪن وچ ۾ سعودي سيڙپڪاري، واپار ۽ ڪاروباري لاڳاپن کي وڌائڻ ۾ ولي عهد جي دلچسپي جو قدر ڪن ٿا. هن ڇيو ته سندس دعا آهي ته پاڪستان ۽ سعودي عرب جي دوستي وڌندي ۽ عظمت جي نئين بلندين تائين پهچندي انشاءَ الله.